SEÇİCİLƏRLƏ İŞ ÜZRƏ
MİLLİ MƏCLİSİN İCLASLARI
BEYNƏLXALQ FƏALİYYƏT
GƏNCLƏRLƏ İŞ ÜZRƏ
SOSİAL-İCTİMAİ MƏSƏLƏLƏR
DÖVLƏT QURUMLARI İLƏ ƏMƏKDAŞLIQ
MEDİA
"Şuşa ili" çərçivəsində başladığımız #SabirArt layihəsinin sərgisi YARAT Müasir İncəsənət Mərkəzində keçirildi
Əziz dostlar, mənim təşəbbüsüm və "PAŞA Holdinq"-in dəstəyi ilə "Şuşa ili" çərçivəsində başladığımız #SabirArt layihəsinin sərgisi YARAT Müasir İncəsənət Mərkəzində keçirildi. Layihə çərçivəsində Sabirabad rayonunda rəssmalığa marağı olan 10 gənc 200 nəfər arasından seçildi və onlar rəngkarlıq üçün lazım olan bütün rəssamlıq ləvazimatları ilə təmin edildi. "Art Evi" incəsənət emalatxanasının rəssamı Aygün Xanalıyeva 2022-ci ilin may - oktyabr aylarında hər həftənin şənbə günləri Sabirabad şəhərinə səfər edərək gənclərə rəsm dərsləri keçdi.
#SabirArt layihəsi çərçivəsində gənc rəssamlar dörd mövzu üzrə (natürmort, ağır atletika idman növü, Bakı və Şuşa şəhərlərində etüd) 38 rəsm əsəri hazırladılar.
Dünən sərgidə həmkarlarım, aidiyyəti qurumların rəhbər şəxsləri, parlamentlərarası işçi qrupunun rəhbəri olduğum Belçika Krallığının Azərbaycandakı səfiri Mişel Pitermans və digər şəxslər iştirak etdi. Hesab edirəm ki, həm layihə həm də sərgi uğurla keçdi.
Bu layihənin reallaşmasında göstərdiyi birbaşa dəstəyə görə "PAŞA Holdinq"-in Dövlət qurumları ilə əlaqələr və KSM departamentinin direktoru Nazim Səfərova təşəkkür edirəm. Tədbirin açılış mərasiminə verdiyi dəstəyə görə İçərişəhər dövlət qoruğunun rəhbəri Şahin Seyidzadəyə, sərginin keçirilməsinə göstərdiyi dəstəyə görə YARAT MİM-nin direktoru Emil Topçiyevə təşəkkürümü bildirirəm.
Eyni zamanda 6 ay müddətində yaz, yay və payız aylarında Sabirabad şəhərinə səfər edərək Sabirabadlı gənclərə rəsm dərsi keçən Aygün xanıma təşəkkür edirəm. Bu prosesdə layihənin idarəedilməsində göstərdiyi dəstəyə görə Elçin Hüseynə təşəkkür edirəm.
Yayın isti günündə Sabirabadlı gənclərə keçdiyi master-klassa görə əməkdar rəssam Rəşad Mehdiyevə minnətdarlığımı bildirirəm. Şuşa şəhərində Sabirabadlı gənclərin etüdünə etdiyi mükəmməl rəhbərliyə görə Ramal Kazıma minnətdarlığımı bildirirəm. Eyni zamanda Sabirabadlı gənclərin bəzi rəsm əsərlərinə həmmüəllif olan xalq rəssamı Arif Əziz, Xanlar Əsədullayev, Cəlal Ağayev, Anar Yolçuyev, Təranə Seyid və diglərinə minnətdarlığımı bildirirəm.
Rəsm dərslərinin keçirilməsinə yaratdığı şərait və dəstəyə görə YAP-ın Sabirabad rayon təşkilatının sədri Varisə təşəkkürümü bildirirəm. Ümumilikdə bu prosesi mükəmməl kordinasiya edən köməkçim Azada təşəkkür edirəm.
Hesab edirəm ki, ən böyük təşəkkür isə SabirArt layihəsinin iştirakçılarına düşür, özlərinə inandıqlarına və məsuliyyətlə çalışdıqlarına görə! Ümid edirəm ki, bu layihə onlar üçün təkan olacaq, ümid edirəm ki, dünənki sərgi və keçirilən görüşlər onların gələcək fəaliyyəti üçün motivasiya olacaq.
SabirArt layihəsi çərçivəsində hazırlanmış rəsm əsərlərini mövzular üzrə ayrı post formasında paylaşacağam.
Oxşar xəbərlər
18.05.2023
