SEÇİCİLƏRLƏ İŞ ÜZRƏ
MİLLİ MƏCLİSİN İCLASLARI
BEYNƏLXALQ FƏALİYYƏT
GƏNCLƏRLƏ İŞ ÜZRƏ
SOSİAL-İCTİMAİ MƏSƏLƏLƏR
DÖVLƏT QURUMLARI İLƏ ƏMƏKDAŞLIQ
MEDİA
2-ci Qarabağ müharibəsi şəhidi Balakişiyev Zaminin bulağını ailəsi ilə ziyarət etdik
Əziz dostlar, bir ay bundan əvvəl 2-ci Qarabağ müharibəsi şəhidi Balakişiyev Zaminin adına olan bulağın tikintisi və su təminatı problemi ilə bağlı sizlərə məlumat vermişdim. Şəhidimiz Zaminin atası Dadaş dayı ilə birlikdə bu problemi müzakirə etdikdən sonra dərhal “Azərsu” ASC-nin sədr müavini Köçərli Həsənova müraciət etmişdim və xahiş etmişdim ki, bu məsələnin həlli ilə bağlı tədbirlər görsünlər. “Azərsu” ASC bulağın açılışından əvvəl bulağa 3 kilometr uzunluğunda su xətti çəkdi. Müraciətimizə operativ reaksiya verdikləri üçün “Azərsu” ASC-nin rəhbərliyinə təşəkkür edirəm.
Şəhidimiz Zaminin doğum günündə - 27 aprel tarixində bulağın açılışı oldu. Həmin vaxt Strasburqda AŞPA-nın iclasında olduğumdan açılışda iştirak edə bilmədim. İndi Dadaş dayı ilə şəhidimiz Zaminin adına olan abidəni ziyarət etdik. Allah bütün şəhidlərimizə rəhmət eləsin.
