SEÇİCİLƏRLƏ İŞ ÜZRƏ
MİLLİ MƏCLİSİN İCLASLARI
BEYNƏLXALQ FƏALİYYƏT
GƏNCLƏRLƏ İŞ ÜZRƏ
SOSİAL-İCTİMAİ MƏSƏLƏLƏR
DÖVLƏT QURUMLARI İLƏ ƏMƏKDAŞLIQ
MEDİA
SabirArt layihəsinin iştirakçılarının seçimi uğurla başa çatdı
"PAŞA Holding" MMC-nin dəstəyi ilə #SabirArt layihəsində iştirak edəcək gənc rəssamların seçimləri başa çatıb. Son iki həftə ərzində 150 gənc əl işlərini təqdim etdi. "ArtEvi" incsənət emalatxanasının rəhbəri Elçin Hüseyn və rəssam Aygün Xanaləliyevanın iştirakı ilə ilkin mərhələdə 25 rəsm əsəri seçildi. Növbəti mərhələdə isə 25 nəfər YAP-ın Sabirabad rayon təşkilatının inzibati binasına dəvət edildi. Eyni rəsm tapşırığını 2 saat müddətində icra edən 25 nəfərdən 10 nəfər seçildi.
#SabirArt layihəsinin açılışı isə sabah 13 may tarixində “İçərişəhər” Dövlət Tarix-Memarlıq Qoruğu İdarəsinin dəstəyi ilə Tahir Salahovun ev muzeyində keçiriləcək. Daha sonra 6 ay müddətində rəssam Aygün xanım hər həftənin şənbə günləri Sabirabada gedərək rəsm dərsləri keçəcəcək. Layihə müddətində Sabirabadlı gənc rəssamlar üçün Azərbaycanın tanınmış və əməkdar rəssamları ilə master klass dərsləri keçiriləcək.
Layihənin 5-ci ayında isə gənc rəssamlar "Şuşa ili" ilə əlaqədar Şuşa şəhərində etüd edəcəklər. Layihənin yekununda isə 10 Sabirabadlı gənc rəssamın əl işlərinin sərgisi keçiriləcək. Əldə edilən gəlirlə növbəti il 10 gənc rəssama dəstək olunacaq. Bununla da layihənin davamlılığını təmin ediləcək.
Oxşar xəbərlər
18.05.2023
