SEÇİCİLƏRLƏ İŞ ÜZRƏ
MİLLİ MƏCLİSİN İCLASLARI
BEYNƏLXALQ FƏALİYYƏT
GƏNCLƏRLƏ İŞ ÜZRƏ
SOSİAL-İCTİMAİ MƏSƏLƏLƏR
DÖVLƏT QURUMLARI İLƏ ƏMƏKDAŞLIQ
MEDİA
Şəhid ataları İxtiyar Mayılov və Xanbala Əsgərovla görüş keçirildi
Şəhid ataları İxtiyar Mayılov və Xanbala Əsgərovla görüşdüm, cari vəziyyətləri ilə maraqlandım. İxtiyar müəllim və Xanbala müəllim qohumdurlar, övladları - şəhidlərimiz Bəxtiyar və Firavan da birlikdə böyüyüblər, birlikdə müharibədə iştirak ediblər və şəhid olublar.
Görüş zamanı şəhid ataları bildirdi ki, Sabirabadlı iş adamı Nicat adlı dostumuz Şəfi Babayev adına orta məktəbdə şəhidlərimizin xatirəsi üçün iki sinif otağını tam təmir etdirir. Həmin sinif otaqlarında şəhidlərimiz Bəxtiyar və Firavanın döyüş yolu barədə məlumatlandırıcı lövhə də asılacaq.
Şəhid ataları ilə birgə yekunlaşmaq üzrə olan təmir işləri ilə tanış olduq. Hesab edirəm, bu cür nəcib işlərin çox böyük mənəvi əhəmiyyəti var. Birincisi məktəbdə təhsil alan şagirdlər şəhidlərimizi daha yaxından tanıyacaq, onlara vətənpərvərlik hisləri daim aşılanacaq. Eyni zamanda bu cür xeyirxahlıq şəhidlərimizin xatirəsi ilə bağlı görülən işlər arasında ən vaciblərindən biridir. Çünki bu cür yanaşma şagirdlərimizin daha yaxşı şəraitdə təhsil almalarına dəstək olur.
Bu cür xeyirxahlıq əməlinə görə Milli Məclisin deputatı kimi Nicata çox təşəkkür edirəm. Düşünürəm ki, bu çox gözəl nümunədir.
