SEÇİCİLƏRLƏ İŞ ÜZRƏ
MİLLİ MƏCLİSİN İCLASLARI
BEYNƏLXALQ FƏALİYYƏT
GƏNCLƏRLƏ İŞ ÜZRƏ
SOSİAL-İCTİMAİ MƏSƏLƏLƏR
DÖVLƏT QURUMLARI İLƏ ƏMƏKDAŞLIQ
MEDİA
Şəhid Rzayev Elxanın qardaşı dünyaya gəldi
2-ci Qarabağ müharibəsi şəhidi Elxan Rzayev evin tək oğlu idi və nişanlı idi. Atası Aris dayı oğlunun toy mərasimi üçün də bütün hazırlığını görmüşdü. Elxan ali təhsilli idi, Qaraqaşlı kənd orta məktəbində informatika dərsi deyirdi. Hər bir şəhid ailəsində olduğu kimi, Elxanın da evində həmişə dərin hüzün var idi.
Bir neçə ay bundan əvvəl şəhidimiz Elxanın atası Aris dayı dedi ki, xoş xəbər var, yaxın zamanda Elxanın qardaşı dünyaya gələcək. Elxanın qardaşı apreli 29-u dünyaya göz açdı və adını da Elxan qoydular. İnşallah adına da layiq övlad olacaq.
Strasburqda səfərdə olduğumdan körpənin xəstəxanadan çıxarılması mərasimində iştirak edə bilmədim. Ancaq telefon əlaqəsi saxlaya bildim. Dünən də evlərinə getdim və bir daha göz aydınlığı verdim. Hər birimiz bir ömür şəhid ailələrinə borcluyuq. Mən də yeni doğulan Elxanın bir ömür əmisi oldum.
Eyni zamanda "YAŞAT" Fonduna təşəkkür edirəm. Bizim müraciətimiz əsasında "YAŞAT" Fondu bütün əməliyyat xərclərini qarşıladı.
