SEÇİCİLƏRLƏ İŞ ÜZRƏ
MİLLİ MƏCLİSİN İCLASLARI
BEYNƏLXALQ FƏALİYYƏT
GƏNCLƏRLƏ İŞ ÜZRƏ
SOSİAL-İCTİMAİ MƏSƏLƏLƏR
DÖVLƏT QURUMLARI İLƏ ƏMƏKDAŞLIQ
MEDİA
Bulaqlı kənd orta məktəbin həyətinə asfalt örtüyü çəkildi
Əziz Sabirabadlılar,
Təşviqat kampaniyası zamanı Bulaqlı kəndində keçirilən görüşdən sonra bir neçə məktəbli uşaq mənə yaxınlaşdı və məktəbin həyətinə getməyimi istədilər. Biz də uşaqlarla birlikdə məktəbin həyətinə getdik.
Həyət zığ idi. Uşaqlar dərsə gedəndə ayaqqabıları zığ olurdu. Uşaqlar məndən xahiş etdilər ki, həmin məktəbin həyətinə asfalt örtüyü çəkilsin. Mən də onlara söz verdim ki, çalışacam həll edim bu məsələni.
Əlbətdə bu hadisə həmişə mənim xatirimdə qaldı.
Daha sonra Sabirabadda olan bütün daxili, kəndlərarası və kürqırağı kəndlərin yolları, o cümlədən Sabirabad şəhərində yerləşən çoxmərtəbəli binaların qarşısında olan asfalt problemini araşdırdım.
Bu məsələ ilə bağlı Azərbaycan Avtomobil Yolları Dövlət Agentliyinin İdarə Heyətinin Sədri Saleh Məmmədovla görüşdüm, Sabirabad rayonun bütün yol problemlərini onun diqqətinə çatdırdım.
İlkin olaraq Bulaqlı kəndinin uşaqlarının istəyini çatdırdım. Xahiş etdim ki, Bulaqlı kənd məktəbinin və avtomagistraldan kəndə olan yola asfalt örtüyünün salınmasına dəstək olsun. Müraciətimizə müsbət cavab verdiyi üçün Saleh müəllimə təşəkkür edirəm.
Rayonun bütün yol problemindən tam məlumatlıyam. Çalışacam ki, 5 il ərzində təmirə ehtiyacı olan bütün yollar təmir edilsin.
