SEÇİCİLƏRLƏ İŞ ÜZRƏ
MİLLİ MƏCLİSİN İCLASLARI
BEYNƏLXALQ FƏALİYYƏT
GƏNCLƏRLƏ İŞ ÜZRƏ
SOSİAL-İCTİMAİ MƏSƏLƏLƏR
DÖVLƏT QURUMLARI İLƏ ƏMƏKDAŞLIQ
MEDİA
Düşünən Azərbaycan Gənci - "DAĞ" layihəsinin 3-cü mərhələsi başlayır
Düşünən Azərbaycan Gənci - "DAĞ" layihəsinin 3-cü mərhələsi başlayır. Bu dəfə daha fərqli və daha geniş formatda!
İlkin olaraq qeyd edim ki, "DAĞ" layihəsi çərçivəsində son 2 ildə Sabirabaddan sosial həssas qrupa aid yüksək potensiala malik 20 şagird "Kainat" kurslarında müxtəlif sponsorların dəstəyi ilə ali məktəblərə hazırlıq kurslarında pulsuz hazırlaşıblar. Keçən il gənclərdən 3-ü yüksək bal yığmaqla, ümumilikdə 7 nəfəri ali məktəbə, 5 nəfəri isə peşə məktəbinə daxil olub. Əminəm ki, cari 10 şagird isə qarşıdakı imtahanlarda yüksək nəticə göstərəcək.
Son 2 il müddətində şagirdlər "Kainat" kurslarının Şirvan filialında hazırlaşdılar. Hər gün xüsusi avtobusla Şirvan şəhərinə aparılıb-gətirilirdilər. Bu ildən isə "Kainat" kursları Sabirabadda filial açmağa razılaşdı. Bundan sonra "Kainat" kursları hər il 10 aztəminatlı şagirdi bizim layihəmizin adından pulsuz hazırlaşdıracaq. Bu isə layihəmizin davamlığı üçün planlaşdırılmış və mühüm addım idi. Bununla yanaşı, "Kainat" kursları 4-10-cu siniflər üzrə pulsuz sınaq imtahanları keçirəcək və hər sinif üzrə yüksək nəticə göstərən və sosial həssas qrupa malik şagirdlərə də hər dəstək olacaq.
