SEÇİCİLƏRLƏ İŞ ÜZRƏ
MİLLİ MƏCLİSİN İCLASLARI
BEYNƏLXALQ FƏALİYYƏT
GƏNCLƏRLƏ İŞ ÜZRƏ
SOSİAL-İCTİMAİ MƏSƏLƏLƏR
DÖVLƏT QURUMLARI İLƏ ƏMƏKDAŞLIQ
MEDİA
Sabirabad şəhərində Gənclər və İdman Nazirliyi tərəfindən "Sağlam məhəllə” idman zonası istifadəyə verildi
Sabirabad şəhərində "Muğan" Ağır Atletika klubunun yaxınlığında Gənclər və İdman Nazirliyi tərəfindən "Sağlam məhəllə” idman zonası istifadəyə verildi. İdman zonasında minifutbol və basketbol meydançaları, stolüstü tennis, şahmat, eləcə də hər yaş qrupuna uyğun fitnes avadanlıqları yerləşdirilib.
Açılışda gənclər və idman naziri Fərid Qayıbov, nazir müavini Mariana Vasileva, Sabirabad Rayon İcra Hakimiyyətinin başçısı Siraqəddin Cabbarov, idman səfirləri Aynur İmanova, Aliyə Paşayeva, ağır atletika üzrə Avropa çempionu Dadaş Dadaşbəyli, “Neftçi” futbol klubunun üzvləri İsmayıl Zülfüqarlı, Ömər Buludov, Cavidan Şahbazlı və digər qonaqlar iştirak etdilər.
Açılış zamanı məşqçilər, idmançılar uşaqlara master-klass keçib, müxtəlif idman hərəkətləri öyrədiblər.
Seçicilərim adından "Sağlam məhəllə" idman zonasının təşkilinə görə Gənclər və İdman Nazirliyinə, Sabirabad rayon İcra Hakimiyyətinə və “Qala Sığorta" şirkətinə təşəkkür edirəm.
