17.01.2020
SEÇİCİLƏRLƏ İŞ ÜZRƏ
MİLLİ MƏCLİSİN İCLASLARI
BEYNƏLXALQ FƏALİYYƏT
GƏNCLƏRLƏ İŞ ÜZRƏ
SOSİAL-İCTİMAİ MƏSƏLƏLƏR
DÖVLƏT QURUMLARI İLƏ ƏMƏKDAŞLIQ
MEDİA
Şəhidlərimizin məzarını ziyarət etdik
1990-cı il yanvarın 20-də rayonumuzum 2 sakini - Zəbulla Əliyev və Mehman Məmmədov milli azadlıq uğrunda öz həyatlarını qurban vermiş şəhidlərin arasında olmuşdur. Ümumilikdə, Ermənistan-Azərbaycan Dağlıq Qarabağ münaqişəsi zamanı 225 nəfər Sabirabadlı ərazi bütövlüyü uğrunda mübarizədə şəhid olmuşdur. Onlardan üçü - Murad Mirzəyev, Mübariz Əhmədov və Fərhad Ağayev Azərbaycanın Milli Qəhrəmanıdır, Maqsud Daşdıyev, Yalçın Qəhrəmanov və Daşqın Əhmədov isə ölümlərindən sonra «Azərbaycan bayrağı» ordeni ilə təltif edilmişlər. Sabirabadda şəhidlərimizin xatirəsi həmişə əziz tutulur.
20 Yanvar şəhidləri Zəbulla Əliyevin və Mehman Məmmədovun Kürkəndi və Qalağayın qəbirsanlığındakı məzarlarını və bir gündə şəhid olan Zakir və Vaqif Fərzəliyev qardaşlarının şəhərin Bələdiyyə parkındakı büstləri ziyarət etdik.
Sonra 20 Yanvar faciəsinin 30-ci ildönümü münasibətilə rayon içtimaiyyətinin nümayəndələrinin iştirakı ilə «Şəhidlər xiyabanı»nın qarşısında təşkil edilən mərasimdə iştirak etdik. Allah bütün şəhidlərimizə rəhmət eləsin.
