SEÇİCİLƏRLƏ İŞ ÜZRƏ
MİLLİ MƏCLİSİN İCLASLARI
BEYNƏLXALQ FƏALİYYƏT
GƏNCLƏRLƏ İŞ ÜZRƏ
SOSİAL-İCTİMAİ MƏSƏLƏLƏR
DÖVLƏT QURUMLARI İLƏ ƏMƏKDAŞLIQ
MEDİA
"İdman Könüllüləri və Azarkeşləri" İctimai Birliyinin idman yarışlarında fəaliyyəti
Bir həftəyə yaxındır V İslam Həmrəyliyi Oyunlarında müxtəlif idman növləri üzrə yarışmaları izləyirəm, milli yığmamıza azarkeşlik edirəm.
Burada "İdman Könüllüləri və Azarkeşləri" İctimai Birliyinin üzvləri ilə tanış oldum. Gün ərzində hansı yarışmaya getsək, onlar da orda olur, yarış boyu dayanmadan, yorulmadan, həvəslə idmançılarımıza müxtəlif şüarlarla dəstək olurlar. Onların burada sayı 15-20 nəfər olsa da, şüar səsləndirəndə elə his edirsən ki, bütün zalda Azərbaycanlılar oturub.
"İdman Könüllüləri və Azarkeşləri" İctimai Birliyinin fəaliyyətini yüksək qiymətləndirirəm. Həm də bu elə azarkeşlik edən gənclər üçün gözəl təcrübə imkanıdır. Beynəlxalq yarışda iştirak etmək, atletlər kəndində yaşamaq, həm Azərbaycanlı həm də 50-dən çox ölkənin idmançıları, idman mütəxəssisləri ilə tanış olmaq imkanı əldə edirlər.
"İdman Könüllüləri və Azarkeşləri" İctimai Birliyi yeni yaransa da, gənclər arasında idman azarkeşliyi mədəniyyətinə dəstək və onların şəxsi bilik və bacarıqlarının inkişafı baxımından böyük potensialı var. Bu yolda onlara uğurlar arzu edirəm.
