Bir tərəfdən Müdafiə Nazirliyi erməni mənbələrinin iddiaları ilə bağlı bəyanat verir ki, təşviş üçün heç bir əsas yoxdur. Azərbaycan Ordusunun bölmələri əməliyyat şəraitinə tam nəzarət edir. Digər tərəfdən də məlumat gəlir ki, "Milli" şura Ukrayna ilə bağlı mitinq üçün BŞİH-ə müraciət edib.

Yadınıza gəlir yəqin, Tofiq Yaqublu, yazıq sifətində, bir gözünü əyə-əyə Azərbaycan hökumətini Ukrayna səfirinə şikayət edirdi. Ukrayna səfiri isə öz növbəsində Prezident İlham Əliyevə dəstək üçün təşəkkür etdi.
Başa düşürəm ki, hökumətin fəaliyyətini bəyənməyə bilərsən, müxalifət ola bilərsən, ancaq dövlətindən başqa dövlətə şikayət edəsən, sonra digər dövlətin nümayəndəsi də sənin cavabını verə- bu ancaq Tofiq Yaqubluya qismət ola bilər!

İndi də vaxtilə hakimiyyətdə təmsil olunan və əqidəsini dəyişənlərin yığıncağı olan şuranın başbiləni Əli Kərimlinin ağlına ideya gəlib ki, gəlin Ukraynaya dəstək mitinqi edək. İcazə versələr, "hamam suyu ilə dost tutacağıq" məntiqi ilə biz liberal demokrat görsənəcəyik. Həm də düşünürlər ki, bəlkə də bunu etdikdə Azərbaycan- Rusiya münasibətləri ziyan görə bilər. İcazə verməsələr də, deyəcəyik ki, gördünüz biz Ukraynaya dəstək vermək istədik, hökumət icazə vermədi, bunu da xarici ölkələrin səfirləri ilə görüşəndə deyərik. Bu da xeyrimizədir.

Azərbaycan siyasətində Əli Kərimli kimi anti-milli, xəstə təxəyyülə malik ikinci adam olmayıb. Məlum mənliyi və xisləti öz yerində, bəlkə də elə bilir ki, bununla Ukraynanın bu ağır günündə Ukraynanın gücünə "güc" qatacaq.

Əli Kərimli hələ də qəbul edə bilmir ki, rəhbərliyində təmsil olunduğu AXC-Müsavat cütlüyü hakimiyyətinin xəyanəti nəticəsində Azərbaycan post-sovet məkanında yeganə dövlət idi ki, ərazi bütövlüyünü itirdi. 30 il sonra isə Azərbaycan yeganə dövlətdir ki, ərazi bütövlüyünü bərpa etdi, digər ölkələr isə bu müddətdə torpaq itirdi və indi də itirir.

Əli Kərimli dərk etmir ki, Azərbaycan regionda yeganə dövlətdir ki, Türkiyə Respublikası ilə qardaş dövlətdir, Rusiya ilə strateji müttəfiqdir, İran və Gürcüstanla dost dövlətdir, Avropa İttifaqına üzv 9 ölkə ilə strateji tərəfdaşdır. Bu uğurunun əsas səbəbi isə İlham Əliyev diplomatiyasıdır.

Əli Kərimli arada deyir ki, 2-ci Qarabağ müharibəsində hökumətin və ordunun yanında oldum. Başqa nə edə bilərdin ki? Hər gün yüzlərlə şəhid verirdik, milyonlarla insan rayonlarımızın işğaldan azad edilmə xəbərlərini gözləyirdi. Başqa cür olsaydı, birliyimizin və gücümüzün simvolu olan dəmir yumruq Əli Kərimlinin başına dəyərdi.

Əli Kərimlidən tələb edirəm ki, özünü buraxsın, istefa versin Azərbaycan siyasətini iyrənclikdən təmizlənsin.

Bu mövzuya yaxın olduğu üçün bunu da yazıram, 2-ci Qarabağ müharibəsi zamanı NoWar-çular indi olublar Ukraynaçılar! Bu bilirsiniz nəyə oxşuyur, Alman qəzeti "Bild" bir il bundan qabaq bayraktarı "Erdoğanın ölüm dronu" adlandırırdı, bu gün isə Ukrayna kontekstində "müharibənin ümidi" adlandırır.

Məqaləni dərc edən xəbər saytları:

1.https://pravda.az/news/75912

2.https://xeberxetti.com/2022/03/25/%C9%99li-k%C9%99rimli-istefa-versin-az%C9%99rbaycan-siyas%C9%99tini-iyr%C9%99nclikd%C9%99n-t%C9%99mizl%C9%99nsin-deputat/